![[Valid RSS]](valid-rss-rogers.png "Validate my RSS feed")
స్వార్థమా.. వర్ధిల్లు..!
ప్రియమైన భారతీయుల్లారా.. ఘన ప్రజాస్వామ్య వారసుల్లారా రండి.. మీ కోసం మాత్రమే మీరు వెచ్చించే విలువైన సమయంలోంచి ఓ రెండు నిమిషాలు ఈ ‘ప్రతిజ్ఞ’ ఆలపించేందుకు కేటాయించండి..
‘స్వార్థ జన’వనంలోంచి ‘నిస్వార్థపు’ మొక్కలను పెకిలించేందుకు సర్కారుకు శాయశక్తులా సహకరించండి..!
‘నేను, నా కుటుంబాన్ని ప్రేమించుచున్నాను..
అనుక్షణం నా గురించి, నా భార్యా పిల్లల గురించి
మాత్రమే ఆలోచించెదను..
సమాజంతో దాని మంచి చెడులతో నాకెలాంటి
సంబంధంలేనట్లు ప్రవర్తించెదను..
ఎట్టిపరిస్థితుల్లో ఇతరుల కష్టసుఖాల్లో పాలుపంచుకోను..
నాయకులు, అధికారుల అవినీతి, అక్రమాల
గురించి ప్రశ్నించను..
పోలీసుల దాష్టీకాలకు ఎదురు తిరగబోను..
మా ‘ఆకాంక్ష’ను పట్టించుకోకున్నా..
మా సహజ హక్కులను కాలరాసినా..
నిత్యావసర వస్తువుల ధరలు ఆకాశాన్నంటి
మా బతుకులు అథః పాతాళానికి దిగజారుతున్నా..
మా ఆరుగాలం కష్టానికి మద్దతు ధర దక్కకున్నా..
మా వనరులను కొల్లగొట్టి మా నోట్లో మట్టికొట్టినా..
సెజ్‌ల పేరుతో మా భూముల్లోంచి మమ్మల్ని తరిమికొట్టినా..
ప్రాజెక్టుల పేర మా అడవుల నుంచి మమ్మల్ని వేరుచేసినా..
మనస్పూర్తిగా ఆమోదిస్తానని, మౌనంగా భరిస్తానని
దైవ సాక్షిగా ప్రమాణం చేయుచున్నాను..’
ఇలా ప్రతిజ్ఞ చేద్దాం. ఇలాగే బతుకుదాం. లేకపోతే కిషన్‌జీ ని ఏం చేసింది ఈ ప్రభుత్వం? 36 ఏళ్లుగా మళ్లీమళ్లీ వేటాడింది. చివరకు బంధించింది. పిట్టను కాల్చేసినట్లు కాల్చేసింది. ‘ఓ నిస్వార్థ జీవీ చచ్చిపో..! ఇది స్వార్థపరుల ప్రపంచం.. నీకిక్కడ చోటు లేద’ని చెప్పింది..! అవును.. మల్లోజులకు మరీ ఇంత నిస్వార్థమా? జనం కష్టాల్లో ఉన్నారని, వారి కన్నీళ్లను తుడిచేందుకు కన్నతల్లిదంవూడులను గాలికొదిలి..! అడవుల్లో.. అన్నం దొరకని చోటుకు.. నీళ్లు దొరకని చోటుకు.. నిద్రపట్టని చోటుకు.. పురుగుపుట్రా తిరిగే చోటుకు.. క్రూరమృగాలు సంచరించే చోటుకు.. తుపాకులు గర్జించే చోటుకు.. నెత్తురు పారే చోటుకు.. తానేదో విహార యాత్రకు వెళ్లినట్లు..! కోరి కో రి వెళ్ళాడు! ‘తమ్ముడూ నువ్వు కూడా రారా..!’ అంటూ పిలవంగనే ‘అన్నా.. వస్తున్నా..!’ అంటూ వేణుగోపాల్‌రావు వెళ్ళాడు.. ఏమిటి వీళ్ల ధైర్యం? అమ్మా మధురమ్మా! ఉగ్గుపాలతోనే ఉద్యమాలను నూరిపోశావా తల్లీ! అయ్యా వెంకట య్యా? స్వాతంత్య్ర సమరయోధుడివి కదయ్యా! నీవు పోరా డి సాధించిన స్వాతంత్య్రం, అణగారిన వర్గాల సంకెళ్లను తెంచలేకపోయిన విషయాన్ని కొడుకులకు బోధించావా?
ఇప్పుడు కరీంనగర్ జిల్లా పెద్దపల్లి పట్టణంలోని శివాల యం వీధి ఎట్లా ఉంది? కిషన్‌జీ తల్లి మల్లోజుల మధురమ్మ ఏమని రోదిస్తోంది? ఏదో ఒక రోజు కొడుకులిద్దరూ తనను చూసేందుకు వస్తారని.. ‘అమ్మా..’ అని ఆప్యాయంగా పిలిచి తన ఒడిలో వాలిపోతారని 36ఏళ్లుగా ఎదురుచూస్తున్న ఆ తల్లి, కొడుకు మరణవార్త విని ఎంత దుఃఖిస్తుంది? కొడుకులను ఎంత అల్లారు ముద్దుగా పెంచి పెద్ద చేసింది? అందరినీ ఉన్నత చదువులు చదివించిందే..! రెండో కొడుకు కోటేశ్వర్‌రావు ఊరికే ఉన్నాడా? ఉస్మానియాలో న్యాయశాస్త్రం చదివేందుకు వెళ్లి, అక్కడేదో అన్యాయాన్ని గ్రహించినట్లే ఉన్నా డు! లేకపోతే భారత రాజ్యాంగానికి విధేయుడిగా ఉండేవాడు కదా! 1969 తెలంగాణ ఉద్యమంలో పాల్గొన్నాడు. ఆ స్ఫూర్తి తో ప్రగతిశీల విద్యార్థి సంఘ సభ్యుడిగా చేరాడు. గడీ పెత్తనా న్ని ధిక్కరించి, పెట్టుబడిదారీ సంకెళ్ల నుంచి పేదలకు విముక్తి కల్పించాలని.. సమసమాజ స్థాపన కోసం.. విప్లవ వీధిలో నిలబడ్డాడు. జగిత్యాల జైత్రయావూతలో.. రైతుకూలీ పోరాట ల్లో.. కరువు దాడుల్లో.. గడి పునాదులు కదిలించి, కూలీ రేట్లు పెంచిపిచ్చి ఎన్ని చేశాడు? లాల్‌గఢ్ సమరానికి నేతృత్వం వహించిన కిషన్ జీ, దేశవ్యాప్తంగా ఎన్నో పోరాటాలకు స్ఫూర్తివూపదాత. విప్లవ కెరటం ఎగిసి ‘పడింది’. అడుగడుగునా స్వార్థం నిండిన ఈ లోకంలో ఉండలేక నేల మీద విప్లవ తార నింగికెగిసింది.
Take By: T News :http://www.namasthetelangaana.com/News/Article.asp?category=1&subCategory=7&ContentId=48014
Tags: Telangana News, T News, hmtv, Sima Andra, AP News, Political News, Hyderabad News, Hyderabad, Telangana, Lok Sabha, News
హైదరాబాద్, నవంబర్ 26 (: భిన్నత్వంలో ఏకత్వం అన్న నానుడిని సొంతం చేసుకున్న హైదరాబాద్ నగరం ప్రపంచ పటంలోనే ప్రత్యేకమైన గుర్తింపు పొందింది. నాటి నగర చారివూతక వైభవం నేటికీ గుభాళిస్తోంది. 1857 సిపాయిల తిరుగుబాటు రోజుల్లోనే.. బ్రిటిష్ పాలన నుంచి విముక్తి కోసం ఉద్యమించిన నగరం. సుల్తాన్‌బజార్‌లో వీరత్వానికి చిహ్నంగా కనిపిస్తోన్న తుర్రేబాజ్‌ఖాన్ అమర స్తూపం నేటి తెలంగాణ ఉద్యమానికి ైధైర్యాన్ని నింపుతోంది. శస్త్ర చికిత్సలో అత్యంత ముఖ్యమైన అనస్థీషియా (మత్తు మందు)ను కనిపెట్టిన వైద్యుడు డా.మల్లయ్య, బడుగుల కోసం తాపవూతయపడ్డ కె.కృష్ణస్వామిముదిరాజ్.. ఇలా ఒక్కరేమిటి? వందల సంఖ్యలో ఎందరో మహనీయులు నడయాడిన నేల ఇది. పట్టెడన్నం కోసం పట్నమొచ్చిన ఎవరినైనా అక్కున చేర్చుకుంది. దేశ విదేశీయులనూ తన పొత్తిళ్లల్లో దాచుకుంది. మార్వాడీలు, గుజరాతీలు, బీహారీలు..ఇలా మినీ భారతం హైదరాబాద్‌లో కనిపిస్తుంది. ప్రత్యక్షంగా లక్షలాది మందికి, పరోక్షంగా కోట్లాది మందికి భాగ్యనగరం ఉపాధి కల్పిస్తోంది.
గ్రేటర్ హైదరాబాద్‌లో అధికంగా ఎమ్మెల్యే స్థానాలు గెల్చుకున్న కాంగ్రెస్ పార్టీలో నెలకొన్న ఆధిపత్యపోరుతో పార్టీకి నష్టం చేకూరుతోంది. తెలంగాణ ఉద్యమం పట్ల అంటీముట్టనట్లుగా నాయకులు వ్యవహరిస్తుండటంతో కూడా పార్టీ పట్ల ప్రజలు విముఖత చూపుతున్నారు. ఖైరతాబాద్ నుంచి విజయం సాధించిన దానం నాగేందర్, గోషామహల్ నుంచి గెలుపొందిన మూల ముఖేష్‌గౌడ్, కంటోన్మెంట్ నుంచి విజయం సాధించిన శంకర్‌రావు, మహేశ్వరం నుంచి జయకేతనం ఎగురవేసిన సబిత మంత్రి వర్గంలో స్థానం దక్కించుకున్నారు. కాగా రెండు పర్యాయాలు సికింవూదాబాద్ పార్లమెంట్ స్థానం నుంచి విజయం సాధించిన ఎంపీ అంజన్‌కుమార్ యాదవ్ ఎటువంటి పదవిని దక్కించుకోలేకపోయారు. ఈ క్రమంలోనే గ్రేటర్‌కు చెందిన మంత్రులు, ఎంపీ మధ్యన ఆధిపత్యపోరు చోటుచేసుకుంది. వీరంతా పైకి కలిసికట్టుగా ఉన్నట్లు నటిస్తున్నా, ఎవరికి వారు అధిపత్యం కోసం ప్రయత్నిస్తున్నారు. 
గ్రేటర్‌లో పూర్తిగా చతికిలపడిపోయిన భారతీయ జనతాపార్టీకి తెలంగాణ ఉద్యమం మళ్లీ జీవం పోసింది. గ్రూప్ రాజకీయాలు, అంతర్గత కలహాలతో బీజేపీ నాయకులు ఒకరి మీద ఒకరు నిందలు వేసుకోవడంతో పార్టీ నిర్వీర్యం అయ్యింది. బీజేపీ మొదటి నుంచి తెలంగాణకు అనుకూలంగా ఉండడంతో ఉద్యమం ఆ పార్టీకి కలిసొచ్చింది. గ్రేటర్‌లో రెండు నియోజక వర్గాలకే పరిమితమైన బీజేపీకి ఉద్యమం, బీజేపీ జాతీయ నేత అద్వానీ రథయావూతతో పార్టీ కేడర్‌లో కొత్త ఉత్సాహం నింపింది. గ్రేటర్‌లో ఒక ఎమ్మెల్యే, ఐదుగురు కార్పొరేటర్లకు పరిమితమైన బీజేపీని మరింత బలోపేతం చేయడానికి నాయకులు విశ్వవూపయత్నం చేస్తున్నారు. 
వామపక్ష పార్టీలలో సీపీఐ తెలంగాణకు అనుకూలంగా ఉండడంతో తెలంగాణ ఉద్యమం సీపీఐకి బాగా కలిసొచ్చింది. పూర్తిగా కనుమరుగయ్యే పరిస్థితి నుంచి మళ్లీ కేడర్ బలోపేతం చేసుకునే దిశగా పార్టీ కార్యక్షికమాలు రూపొందించుకుంటోంది. తెలంగాణ ఉద్యమంతోపాటు ప్రజా సమస్యలపై నిత్యం పోరాటం చేస్తూ తన ఉనికిని కాపాడుకుంటోంది. సీపీఎం మొదటి నుంచి తెలంగాణకు వ్యతిరేకంగా ఉండడంతో గ్రేటర్‌లో పార్టీ ఉనికి ప్రశ్నార్థకంగా మారింది. 
తెలంగాణ రాష్ట్ర సాధనే లక్ష్యంగా 2001లో ఆవిర్భవించిన తెలంగాణ రాష్ట్ర సమితి గ్రేటర్‌లో క్రమంగా పట్టుబిగిస్తోంది. ఉద్యమానికి కేంద్ర బిందువైన హైదరాబాద్ నగరంలో టీఆర్‌ఎస్‌కు ఆదరణ పెరుగుతూ వస్తోంది. కేసీఆర్ ఆమరణ దీక్ష తరువాత నగరంలోని తెలంగాణవాదం బయటపడింది. మిలియన్‌మార్చ్, ఓయూ విద్యార్థుల ఉద్యమం టీఆర్‌ఎస్‌కు స్ఫూర్తినిచ్చింది. సకలజనుల సమ్మెనాటికి అది మహోధృతంగా మారి టీఆర్‌ఎస్‌కు కొండంత అండగా నిలిచింది. విద్యావంతులు, ఉద్యోగులు, యువతరం తెలంగాణవాదంతో టీఆర్‌ఎస్‌కు అండగా నిలబడుతున్నారు. ఇటీవల నగరంలో పార్టీని బలోపేతం చేయడానికి ఒకవైపు హరీష్‌రావు, మరోవైపు కేటీఆర్‌లు తీవ్రంగా కృషిచేస్తున్నారు. విభిన్న సంస్కృతుల కలయికతో ఉన్న నగరంలో రాష్ట్ర సాధన కోసం ఇచ్చిన ప్రతి పిలుపుకు ప్రజలు స్పందించి తెలంగాణవాదాన్ని చాటిచెప్పారు. సీమాంధ్ర వలసవాదులు ఉన్న కొన్ని ప్రాంతాలలో తప్ప హైదరాబాద్‌లో తెలంగాణవాదం బలంగానే ఉంది. ఇటీవల కేటీఆర్ ఆధ్వర్యంలో గ్రేటర్ పరిధిలోని శేరిలింగంపల్లి, కూకట్‌పల్లి, కుత్భుల్లాపూర్ నియోజవర్గాల్లో నిర్వహించిన పాదయావూతలకు ప్రజల నుంచి వచ్చిన అనూహ్య స్పందననే ఇందుకు సాక్ష్యం. 
హైదరాబాద్, నవంబర్ 26 ():విలేకరులు వార్తలను వార్తల్లాగా రాయడం లేదని, వ్యక్తిగత అభివూపాయాలను జోడించి వార్తారచన చేస్తున్నారని ముఖ్యమంత్రి కిరణ్‌కుమార్‌డ్డి అభివూపాయపడ్డారు. ఎలక్షిక్టానిక్, ప్రింట్ మీడియాలలో ఉన్నది ఉన్నట్లుగా, చెప్పింది చెప్పినట్లుగా రావడం లేదన్నారు. వార్తలకు వ్యాఖ్యానాలను కలిపి ప్రచురిస్తున్నారని, దాంతో ప్రధానమైన అంశం పక్కదారి పడుతున్నదని, అసందర్భమైన విషయం ప్రాధాన్యతను సంతరించుకుంటున్నదని ఆయన పేర్కొన్నారు. విలేకరులు వార్తారచనలో నిజాలు, నిజాయితీకి, ప్రమాణాలు, విలువలకు, ప్రాధాన్యం ఇచ్చి విశ్వసనీయతను పెంచుకోవాలని, అభివూపాయాలను సంపాదకీయాల్లోనే వ్యక్తీకరించాలని సూచించారు. పత్రికలు ప్రతిపక్ష పాత్ర పోషించాలని, సమాజంలోని రుగ్మతలను ఎత్తి చూపాలని, రుగ్మతలపై పాలకులు దృష్టి సారించే విధంగా అవి చేసే విమర్శల్లో హేతుబద్ధత ఉండాలని సీఎం సూచించారు. ఇమేజ్ గార్డెన్స్‌లో శనివారం జరిగిన ఇండియన్ జర్నలిస్ట్స్ యూనియన్ (ఐజేయూ) ఏడో ప్లీనరీ ప్రారంభ సదస్సులో సీఎం కిరణ్‌కుమార్‌డ్డి ముఖ్య అతిథిగా పాల్గొని, ప్రసంగించారు. ఈ కార్యక్షికమంలో సీఎంతో పాటు శాసనమండలి చైర్మన్ చక్రపాణి, సమాచార, పౌర సంబంధాల శాఖ మంత్రి డీకే అరుణ, సమాచార పౌర సంబంధాల శాఖ కమిషనర్ బీ వెంక తదితరులు పాల్గొన్నారు. ఆహ్వాన సంఘం చైర్మన్ కే శ్రీనివాస్‌డ్డి, ఐజేయు ప్రధాన కార్యదర్శి డీ అమర్, ఐజేయు జాతీయ అధ్యక్షుడు ఎస్‌ఎన్ సిన్హా, ఆహ్వాన సంఘం ప్రధాన కార్యదర్శి వై.నరేందర్‌డ్డి, ఐజేయు నాయకులు అమర్‌నాథ్ తదితరులు వేదికపై ఆసీనులయ్యారు. తెలుగు పత్రికా రంగంలోని సీనియర్ సంపాదకులు, జర్నలిస్టులతో సభాస్థలి కిటకిటలాడింది. హెచ్‌ఎంటీవీ సీఈఓ కే రామచంవూదమూర్తి, సీనియర్ సంపాదకులు వెంకవూటావు, ఆంధ్రజ్యోతి మాజీ డిప్యూటీ ఎడిటర్ ఉపేంద్రబాబు, హన్స్ ఇండియా సీనియర్ జర్నలిస్ట్ టంకశాల అశోక్, ‘నమస్తే తెలంగాణ’ సంపాదకులు అల్లం నారాయణ, సీఈఓ కట్టా శేఖర్‌డ్డి, జీ 24 గంటలు చానెల్ సీఈఓ శైలేశ్‌డ్డి తదితర ప్రముఖ జర్నలిస్టులు, సంపాదకులు ఈ సదస్సులో పాల్గొన్నారు.
ఈ సందర్భంగా ముఖ్యమంత్రి మాట్లాడుతూ తెలుగు పత్రికలు, చానళ్లు విశ్వసనీయతను కోల్పోయాయని, ఏ ఒక్క పత్రికపైన ప్రజలకు విశ్వాసం లేదని వ్యాఖ్యానించారు. సర్క్యులేషన్, టీఆర్‌పీ రేటింగ్స్ పెంచుకోవడమే ధ్యేయంగా పత్రికలు, చానళ్లు పనిచేస్తున్నాయన్నారు. తాత్కాలిక ప్రయోజనాలకు ప్రాధాన్యం ఇస్తూ.. శాశ్వత ప్రయోజనాలు, విలువలను విస్మరిస్తున్నాయని ఆయన ఆవేదన వ్యక్తం చేశారు. కొన్ని సందర్భాలలో విలేకరులు రాసిన వార్తలను, యాజమాన్యాలు అంగీకరించడం లేదని ఆయన అన్నారు. విలేకరుల భావ ప్రకటనా స్వేచ్ఛను అడ్డుకోవడం సమంజసం కాదని సీఎం వ్యాఖ్యానించారు. చానళ్లు, కొన్ని సంఘటనలను జుగుప్సాకరంగా ప్రసారం చేస్తున్నాయని, కొన్ని దృశ్యాలను ప్రసారం చేసేటప్పుడు ఎలక్షిక్టానిక్ మీడియా కొన్ని జాగ్రత్తలు పాటించాలని పేర్కొన్నారు. ప్రజల బాధలు, కష్టాలు, కన్నీళ్లకు పత్రికలు వేదికలు కావాలని ఆయన ఆకాంక్షించారు. వ్యవసాయం చేయడం వల్ల రైతులు కష్టాలపాలవుతున్నారని, వ్యవసాయ అనుబంధ ఉత్పత్తులపై రైతులు దృష్టి సారించాలని తాను చెప్పిన మాటలను వక్రీకరించి శీర్షికలను ప్రచురించారని ఆయన మండిపడ్డారు. మహబూబ్‌నగర్ రచ్చబండలో నలుగురు ప్రశ్నిస్తే, దానిని తాటికాయంత అక్షరాలతో రాశారని పేర్కొన్నారు. ఇప్పుడు ప్రజలు ఏ పత్రికను, ఏ చానల్‌ను నమ్మడం లేదని, రెండో పత్రిక, రెండో చానల్‌ను చూసి ఏం జరిగిందో తెలుసుకునే ప్రయత్నం చేస్తున్నారని సీఎం అన్నారు. శాసనమండలి చైర్మన్ చక్రపాణి మాట్లాడుతూ ప్రజాస్వామ్య విలువలకు ప్రతికలు దర్పణం కావాలని చైర్మన్ పేర్కొన్నారు. 
పేరుకు అవి ప్రత్యేక ఆర్థిక మండళ్లు! కానీ తరచి చూస్తే అవి ప్రత్యేక ఆంధ్ర మండళ్లు! సత్యం, మేటాస్, శ్రీని, అనంత్, నవయుగ, ఇందు... చెప్పుకుంటూ పోతే పెద్ద లిస్టే తేలుతుంది. నయా ఆర్థిక విధానాల అమలు క్రమంలో కార్మిక హక్కులను కాలరాస్తూ.. భారీ మినహాయింపులు పొందుతూ సెజ్‌లు పుట్టుకొచ్చాయి. సెజ్‌ల చట్టంలో లొసుగులు ఆధారం చేసుకుని అసలు సంగతి పక్కనపె రియల్‌దందా మొదలు పెట్టాయి. పోగుపడిన సంపదను రెట్టింపు చేసుకునే ప్రయత్నాల్లో ఉన్న సీమాంధ్ర బడాబాబులకు ఈ సెజ్‌లు వరంగా పరిణమించాయి. వారి ఆకాంక్షలను నెరవేర్చే ప్రభుత్వం తోడవడంతో సీమాంధ్ర పెట్టుబడిదారుల దోపిడీకి అంతే లేకుండా పోయింది. ఇప్పుడు సెజ్‌లంటే సీమాంవూధుల ఆధిపత్యమే కనిపించే పరిస్థితి నెలకొంది. హైదరాబాద్‌లో అదే అభివృద్ధిగా నాడు చంద్రబాబు నాయుడు అనంతరం వైఎస్ రాజశేఖర్‌డ్డి ఉద్ఘోషించారు. ఆ అభివృద్ధి ఫలాలు ఎవరి జేబుల్లోకి వెళ్లాయని చూస్తే.. అక్కడా సీమాంవూధులే కనిపిస్తున్నారు. 
