ఆర్థిక విధానాలపై నిరసన గళం ‘వాల్‌స్ట్రీట్ భరో...’

-మాన్‌హట్టన్‌లో చిన్నగా మొదలై.. ఉగ్రరూపం దాల్చిన ఉద్యమం
-ప్రపంచ దేశాలకు విస్తరించిన ఆందోళనలు
-ఉద్యమానికి వందమంది రచయితల మద్దతు
-లూథర్‌కింగ్ బతికివుంటే మద్దతిచ్చేవారు: ఒబామా

న్యూయార్క్, అక్టోబర్ 17:నెలరోజులుగా సాగుతున్న ‘వాల్‌వూస్టీట్ భరో’ ఆందోళన రోజురోజుకు ఉధృతమవుతోంది. ప్రజాస్వామ్యంపై పెట్టుబడిదారుల, లాబీయిస్టుల ప్రభావాన్ని నిరసిస్తూ ప్రపంచవ్యాప్తంగా వందలాది ప్రజలు ఈ ఉద్యమానికి అండగా నిలుస్తున్నారు. రోడ్లపైకి వచ్చి నిరసన ప్రదర్శనలు నిర్వహిస్తున్నారు. సంపన్నవర్గాలకు అనుకూలంగా ప్రభుత్వాలు రూపొందిస్తున్న ఆర్థిక విధానాలపై నిరసన గళం వినిపిస్తున్నారు. ఆర్థిక విధానాల్లోనూ సమన్యాయం పాటించాలని ఉద్యమిస్తున్నారు.
మాన్‌హట్టన్‌లోని వరల్డ్ ట్రేడ్ సెంటర్ భవనం ముందున్న జుకోటి పార్కులో నెలకిందట చిన్నగా మొదలైన ఉద్యమం ఉగ్రరూపం దాల్చింది. మొదట కొంతమంది ఉద్యమకారులు శిబిరాలు ఏర్పాటు చేసుకొని ఉద్యమాన్ని ప్రారంభించారు. వారికి మద్దతుగా వేలాది మంది ముందుకొచ్చారు. అమెరికాలోని చిన్నా పెద్దా నగరాల్లో ఇప్పుడు వందల సంఖ్యలో ఉద్యమకారులు క్యాంపులు వేసుకొని ఆందోళన నిర్వహిస్తున్నారు. ప్రపంచవ్యాప్తంగా ఆర్థికమాంద్యం నెలకొనడంతో పాలకులు పెట్టుబడిదారులకు వంతపాడుతూ, వారికి బెయిల్ అవుట్లు ప్రకటిస్తూ.. పేద, బలహీన వర్గాల సంక్షేమ పథకాలకు ఇచ్చే నిధులకు కోత పెడుతుండటంతో తీవ్రంగా ప్రభావితమవుతున్న ప్రజలు ఈ ఉద్యమానికి అండగా నిలిచారు.

అమెరికా, యూరప్, ఆసియా, ఆఫ్రికాలోని 80 దేశాల్లో శనివారం జోరుగా ఆందోళనలు జరిగాయి. నెలరోజులకు చేరిన ఉద్యమం అనుకున్న ఫలితాలను రాబడుతోందని ఉద్యమకారులు సంతృప్తి వ్యక్తం చేస్తున్నారు. ప్రపంచ ఆర్థిక వ్యవస్థలను కొల్లగొడుతున్న కార్పొరేట్ సంస్థలు, పారిక్షిశామికవేత్తల ఆధిపత్యానికి, ప్రభావానికి తమ ఉద్యమంతో గండిపడుతుందని ఆశాభావం వ్యక్తం చేస్తున్నారు. అయితే ఒక స్థిరమైన నాయకత్వంలో ఆందోళనలు సాగుతున్నట్లు కనిపించడం లేదు. ఈ ఉద్యమానికి ఓ ప్రత్యేకమైన డిమాండ్, లక్ష్యమంటూ లేదు. ‘తమ సొంత కారణాలతోనే ప్రజలు ఈ ఉద్యమం పాలుపంచుకుంటున్నారు. ఉద్యమించడానికి ఇది కారణమని ఎవరూ చెప్పడం లేదు’ అని ఓ ఉద్యమకారుడు చెప్పారు. ఈ ఉద్యమానికి లక్ష్యం ఉండాలని కొందరు, వద్దని మరికొందరు వాదిస్తుండటంతో గందరగోళం నెలకొంది.

మాన్‌హట్టన్‌లోని జుకోటి పార్కు ప్రస్తుత ఉద్యమానికి కేంద్రంగా ఉంది. తమకు మద్దతుగా శనివారం ప్రపంచవ్యాప్తంగా జరిగిన ఆందోళనలు ఉద్యమానికి కొత్త ఊపును, ఉద్యమకారులకు నూతన జవసత్వాలను ఇచ్చాయని, తమ ఉద్యమాన్ని మరింత ఉధృతం చేయాలని నిర్ణయించామని ఉద్యమకారులు తెలిపారు. జుకోటి పార్కు నుంచి తమను ఖాళీ చేయించినా ఉద్యమం కొనసాగుతుందని స్పష్టం చేశారు. ఉద్యమానికి మద్దతుగా 3 లక్షల డాలర్లు ఉద్యమ వెబ్‌సైట్‌కు విరాళాలుగా వచ్చాయని ‘వాల్‌వూస్టీట్ భరో’ మీడియా బాధ్యుడు బిల్ డబ్స్ తెలిపారు. న్యూయార్క్, వాషింగ్టన్ డీసీ సహా అమెరికాలోని చిన్న, పెద్ద నగరాల్లో ఆదివారం, సోమవారం వాల్‌వూస్టీట్ భరో ఆందోళనలు ముంచెత్తాయి. న్యూయార్క్‌లోని టైమ్‌స్క్వేర్ వద్ద 70 మందిని, షికాగోలో 175 మందిని, ఆరిజోనాలో 53 మంది ఉద్యమకారులను పోలీసులు అరెస్టు చేశారు.

వందకు పైగా రచయితల మద్దతు
వాల్‌వూస్టీట్ భరో ఉద్యమానికి వందకు పైగా ప్రముఖ రచయితలు మద్దతు పలికారు. సల్మాన్ రష్దీ, నీల్ గైమన్, పులిట్జర్ అవార్డు గ్రహిత, నవలా రచయిత జెన్నిఫర్ ఈగన్, మైఖేల్ కన్నింగ్‌హమ్ తాము ఈ ఉద్యమానికి మద్దతు ప్రకటిస్తున్నట్లు వెల్లడించారు. ఈ మేరకు ఆక్యూపైరైటర్స్‌డాట్‌కామ్‌లో ఓ ప్రకటన వెలువరించారు.

లూథర్‌కింగ్ బతికివుంటే అండగా నిలిచేవారు...
వాల్‌వూస్టీట్ భరో ఆందోళనకారులకు అమెరికా అధ్యక్షుడు బారక్ ఒబామా మద్దతు పలికారు. వాల్‌వూస్టీట్ ఉద్యోగులను దుర్మార్గులుగా చూడవద్దని ఆందోళనకారులు సూచించారు. ఇక్కడి నేషన్‌ల్ మాల్‌లో సోమవారం మార్టిన్ లూథర్ కింగ్ విగ్రహాన్ని ఆవిష్కరించిన అనంతరం ఆయన ప్రసంగించారు. మార్టిన్ లూథర్‌కింగ్ బతికివుంటే వాల్‌వూస్టీట్ అతిని సవాలు చేస్తున్న ప్రస్తుత ఉద్యమానికి అండగా నిలిచేవారని పేర్కొన్నారు.


Take By: T News


Tags: Telangana News, Chiranjeevi on Telangana, Telangana crisis, Telangana issue, Azad, T News, hmtv, tv9, Kiran Kumar Reddy, NIC meet, Telangana agitation, statehood demand, JAC, Tags: bandh in Telanagana, schools closed, TRS, Banswada, TRS win Banswada,  World News, India News, Occupy Wall Street protest, Obama administration

Read more...

రాష్ట్రం ఏర్పడినా తెలంగాణా ప్రజలకి ఒక ప్రత్యేక రాజకీయ శక్తి అవసరం

రాష్ట్రం ఏర్పడినా, తెలంగాణా ప్రజలకి ఒక ప్రత్యేక రాజకీయ శక్తి అవసరం

తెలంగాణా ప్రజలకి ప్రత్యేక రాష్ట్రం ఎంత ముఖ్యమో  రాష్ట్ర ఏర్పాటు తరువాత తెలంగాణా సమగ్ర అభివృద్ది అంతే ముఖ్యం.

కాంగ్రెస్ లో తెరాస విలీనం వార్తలు వస్తున్నా నేపద్యం లో, మనకు ఒక ప్రత్యేక రాజకీయ శక్తి ఎంత అవసరమో  తెలపడమే ఈ వ్యాస ముఖ్య ఉద్దేశం.

ఇక్కడ కొన్ని విషయాలు గమనించతగ్గ ఆవశ్యకత వుంది. తెరాస వీలినం అయితే నే తెలంగాణా ఇస్తాం అంటె, కాంగ్రెస్ కు ప్రజల అభిప్రాయం అవసరం లేదా? పార్టీ ప్రయోజనాలే ముఖ్యమా? ఒక వేల తెరాస ఒప్పుకోక పోతె రాష్ట్రం ఇవ్వర? కాంగ్రెస్ నిబద్దత ఇంతేనా? . ప్రజలు ఒకసారి ఆలోచించాలి.

‘ హైదరాబాదు రాజధాని’గ తెలంగాణా రాష్ట్రం ఏర్పాటు తరువాత, ఏ పార్టీ ఏ నిర్ణయం తీసుకున్న అది వాళ్ళ ఇష్టం… కానీ ,

పది ఏళ్ళు ఉమ్మడి రాజధాని ప్రకటిస్తే మాత్రం  ….మన రాజధాని మన సొంతం అయ్యేవరకు ‘తెరాస’ లాంటి ప్రత్యేక రాజకీయ శక్తి

ఆవశ్యకత మనకు ఎంతో వుంది. ఇప్పటి వరకు పాలసీలు, ఒప్పందాలు మనకు ఒరగబెట్టింది ఎమీ లేదు. ఇది చెరిత్ర చెప్పిన నిజం.

పది అన్నది ఇరవై కావొచ్చు …అసలు అమలే జరగక పోవొచ్చు. కాబట్టి, ప్రత్యేక రాజకియా శక్తి వుండి హైదరాబాదు పూర్తిగా దక్కేవరకు పోరాటం చేయడం అవసరము.

మనము  కలలుకన్న  అభివృద్ధి  చెందిన రాష్ట్రం మనకు వుండాలి అంటె … ఏ ప్రాంతానికి సంబంధం లేకుండా కేవలం తెలంగాణా ప్రాంతానికే చెందిన

ఒక రాజకియా శక్తి, కేంద్ర నిధుల్లో  గాని, మంత్రి పదవుల్లో గాని డిమాండ్ చేసే స్టేజిలో వుండాలి. అప్పుడే  తెలంగాణాను మనము కలలు కన్న రీతిలో

చూడగలం. నేను నేషనల్ పార్టీ లకు వ్యతిరేకం కాదు , కానీ ఇప్పుడున్న పరిస్థితుల్లో సంకీర్ణ ప్రభుత్వాలే ఎక్కువ.

పొందిన రాష్ట్రానికి ‘సమైఖ్య రాష్ట్రం’లో జరిగిన అన్యాయాలు మరల జరగకుండా కేంద్ర ప్రభుత్వం

ప్రత్యేక దృష్టి సారించాలంటే ..దాన్ని శాసించే స్టేజి లో కొంత కాలం మన ప్రాంతానికి మాత్రమే చెందిన పార్టీ  ఒకటి ఉండడము ఆవశ్యము అని భావిస్తున్న.

తెరాస విలీనం అయితనే తెలంగాణా ఇస్తాం లేక పోతె ఇవ్వం అని కాంగ్రెస్ పెద్దలు భావిస్తే మాత్రం వారంతా మూర్ఖులు ఇంకా ఎవరు వుండరు.

ప్రజా ఉద్యమాలకి తల ఒగ్గని ప్రభుత్వాలు లేవు అని గుర్తుంచు కోవాలి.

ఒకవేళ తెరాస విలీనం చేస్తే, ఆ పార్టీ లో ఒక వర్గమో లేక వేరే వారో ..  మరో ప్రత్యామ్న్యాయ రాజకీయ పార్టీ తప్పక  ఏర్పాటు చేస్తారు అన్నది నా అభిప్రాయం.

కాబట్టి తెరాస ఆ ఛాన్స్ ఎవ్వరికి ఇవ్వకూడదు. ఎవరు అవునన్నా కాదన్నా తెలంగాణా ఉద్యమం ఈ స్టేజి కి రావడానికి తెరాస నే కారణం అన్నది

జగమెరిగిన అక్షర సత్యం.

Take By:  simplytelangana


Tags: Telangana News, Chiranjeevi on Telangana, Telangana crisis, Telangana issue, Azad, T News, hmtv, tv9, Kiran Kumar Reddy, NIC meet, Telangana agitation, statehood demand, JAC, Tags: bandh in Telanagana, schools closed, TRS, Banswada, TRS win Banswada, 

Read more...

రాజకీయ ‘లఫంగీలు’

“అర్ధరాత్రి ఎవరినీ అడగకుండా కర్ణాటక మొయిలీ,తమిళనాడు చిదంబరం , తెలంగాణా ఇస్తామంటారా !వాళ్ళెవరు ఇవ్వడానికి ?….నాకు ఆంధ్ర,తెలంగాణారెండు కళ్ళు . ఆంధ్రావాళ్ళు సమైక్యాంధ్ర అనాలి,తెలంగాణావాళ్ళు జై తెలంగాణాఅనాలి….కాదు,కాదు నేను తటస్థం.”  చంద్రబాబు 
 
“నేను సామాజిక తెలంగాణా కావాలనుకొన్నాను. కానీ ఇప్పుడు మా వాళ్ళు సమైక్యాంధ్ర అంటున్నారు, కనుక సమైక్యాంధ్ర కావాలి. … లేదు లేదు అధిష్టానం ఏదంటే అదే.” చిరంజీవి
 
“తెలంగాణకు ఎలాంటి అన్యాయం జరగలేదని, నేను
ప్రూవ్ చేస్తాను.యాబై శాతం కంటే ఎక్కువ తెలంగాణా
ప్రజలు సమైక్యాంధ్ర కోరు కొంటున్నారు. తెలంగాణా వస్తే అభివృద్ది ఆగి పోతది.” లగడపాటి
 
“తెలంగాణాను కానివ్వం.ఎవరడిగితే వాళ్ళకు
రాష్ట్రం ఇచ్చేస్తారా? జిల్లాకో రాష్ట్ర మివ్వ మనండి.” కావూరి
 
“తెలంగాణా ఇవ్వడం అంత సులభం కాదు. ఆంధ్ర వాళ్ళు తలచుకుంటే తెలంగాణా వాళ్ళు ఎక్కడుంటారు.” రాయపాటి 
 
“కాంగ్రెస్ పార్టీ తెలంగాణా ఇస్తానని ఎప్పుడూ చెప్పలేదు. తెలంగాణా ఒక వేర్పాటువాదం, రాజ్యాంగ విరుద్ధం.”
గాదె వెంకటరెడ్డి 
 
“తెలంగాణవాదం సరైంది కాదు. అసలు తెలంగాణా వాడెవడో ముందు చెప్పాలి.నేను కూడా తెలంగాణా వాడినే.మాకు రాయల – తెలంగాణా కావాలి.”  జే సి దివాకర్ రెడ్డి


“తెలంగాణావాదులు దేశ ద్రోహులు. వారినందరినీ అండమాన్ దీవులలో బంధించాలి. మేం హైదరాబాద్ ను విడిచేది లేదు.” టి జి వెంకటేష్


“తెలంగాణా అంత ముఖ్యం కాదు. తెలంగాణా వచ్చినా రాక పోయినా, ఆకాశం విరిగి పడేదేమి లేదు. విద్యార్థులు
ఉద్యమం పేరిట డబ్బులు వసూలు చేసుకొంటున్నారు.” జయ ప్రకాష్ నారాయణ్


“నేను కేంద్ర ప్రభుత్వంలో ఉన్నాను.తెలంగాణా కావాలని అడగడం సమంజసం కాదు.” జైపాల్ రెడ్డి


“తెలంగాణ కొరకు ఏదైనా త్యాగం చేస్తాను.కానీ ప్రజలకొరకు ప్రభుత్వంలో పని చేస్తుంటాను.మంత్రి పదవి వదలలేను”
జానారెడ్డి 
 
“తెలంగాణా పై మా వ్యూహాలు మాకున్నాయి.సి ఎం ను కాదని ఏ పని చెయ్యను. మంత్రి పదవి లో ఉండి ప్రజల సేవ చేస్తాను ” శ్రీధర్ బాబు


“తెలంగాణా కొరకు ఎటువంటి త్యాగాలకైనా మేము సిద్ధం.అందుకే మేము ప్రభుత్వంలో ఉన్నాము. తెలంగాణా కొరకు పోరాడుతూనే ఉంటాము.”. బి.సారయ్య





“కర్నూలు,అనంతపూరు కలిపి రాయల – తెలంగాణా ఇచ్చినా మాకు అభ్యంతరం లేదు.” ఉత్తమకుమార్ రెడ్డి


“ఆంధ్రోల్లతోన కలిసి పని చెయ్యాలి.వాళ్ళను కాదని తెలంగాణా అడగడం మంచిది కాదు. ఎవరో, ఏందో చెప్తే ఎందుకు చేస్తాం. సి ఎం ఏది చెపితే అది చేస్తాం.” రాజనర్సింహ, నాగేందర్,ముఖేష్


“తెలంగాణావాదులు దుర్మార్గులు. వాళ్ళను జైళ్లలో పెట్టాలి.తుపాకులతో కాల్చి చంపాలి.” దేవినేని ఉమ


“కే సి ఆర్, కోదండరామ్ లు తాలిబాన్లు. వాళ్ళు బయట ఉంటె ప్రమాదం.వాళ్ళను జైళ్లలో పెట్టాలి.” అనం వివేకా


“తెలంగాణా అడగడం సరికాదు.కావాలంటే తెలంగాణా వద్దని, మేము ఆత్మాహుతులు చేస్తాము.”  
పయ్యావుల కేశవ్


“తెలంగాణా సమస్య జటిలమైనది. ఎవరికీ ఇబ్బంది లేకుండా వాళ్ళు సమ్మె చేసుకోవాలి. రాష్ట్ర విభజన ఎట్టి పరిస్థితిలోనూ ఒప్పుకోము.” శైలజానాథ్


“మాకు హైదరాబాద్ లో వాటా ఇవ్వాలి.కొత్త రాజధాని కట్టుకోవడానికి ఒక లక్ష కోట్ల రు.లు కావాలి.”
హరి రామ జోగయ్య 
 
“తెలంగాణా ఉద్యమం సరి కాదనడం లేదు.కానీ ప్రభుత్వానికి ఇబ్బంది లేకుండా సమ్మె చేసుకొంటే మంచిది.”
బొత్స సత్యనారాయణ 
 
“కే సి ఆర్ అడిగితే చెంగు రంగా అని తెలంగాణా ఇచ్చెయ్యాలా ! ఎవరో అడిగితే దేశాన్ని ముక్కలు చెయ్యాలా?”
రేణుకా చౌదరి 
 
“కే సి ఆర్ తెలంగాణా రావద్దని ఉద్యమం చేస్తున్నాడు. తెలంగాణా వచ్చేవరకు మేం చేస్తే తప్ప ఎవ్వరూ పోటీ చెయ్య గూడదు.మా పార్టీకి తప్ప ఏ పార్టీకి చిత్త శుద్ది లేదు.” ఎర్రబెల్లి దయాకర్ రావు


“ఏదో ఆ పూటకు తెలంగాణా అంటే ఒకే అన్నాము. అంత మాత్రానికి తెలంగాణా ఇస్తామంటే ఊరు కొంటామా? అన్ని పార్టీల ఆంధ్ర వాళ్ళమంతా కలిసి అడ్డు కుంటాము.” నన్నపనేని రాజకుమారి


“మేమెందుకు రాజీనామా చెయ్యాలె.కోదండరామ్ ను, స్వామి గౌడ్ ను చెయ్యమనండి.తెలంగాణా వస్తది.సోనియమ్మ ఇస్తే తీసుకుంటం.ఇయ్యమని ఆమెను పరేషాన్ చెయ్యం.” సర్వే సత్యనారయణ


“ఆంధ్రులు తెలంగాణా కొరకు ఎంతో చేశారు.మెజారిటీ రాష్ట్ర ప్రజలు సమైక్యాంధ్ర కోరుకుంటున్నారు.కాబట్టి తెలంగాణా ఉద్యమం అనవసరం.” కోడెల శివప్రసాద్ 









Take By:  http://www.simplytelangana.com/news/2011/10/17/rajakeeya-lafangilu/


Tags: Telangana News, Chiranjeevi on Telangana, Telangana crisis, Telangana issue, Azad, T News, hmtv, tv9, Kiran Kumar Reddy, NIC meet, Telangana agitation, statehood demand, JAC, Tags: bandh in Telanagana, schools closed, TRS, Banswada, TRS win Banswada,

Read more...