![[Valid RSS]](valid-rss-rogers.png "Validate my RSS feed")
ఆఫీస్‌కొచ్చినా పనిచేయరు తెలంగాణ డిమాండ్‌తో 17 నుంచి ఉద్యోగుల ఆందోళన సహాయ నిరాకరణ సన్నాహకంగా నేడు ధర్నా అరెస్టయినా ఆగకుండి రెండంచెల నాయకత్వం ప్రత్నామ్న
హైదరాబాద్, ఫిబ్రవరి 10 : తెలంగాణలో సమ్మె వాతావరణం అలముకుంటోంది. ఈ నెల 17 నుంచి మొదలయ్యే 'సహాయ నిరాకరణ' ఉద్యమంలో భాగంగా ఉద్యోగులు ఆఫీసులకు వచ్చినా విధులు నిర్వహించరు. అయితే, ఉద్యమ ప్రభావాన్ని సాధ్యమైన మేర తగ్గించేందుకు ప్రత్యామ్నాయాలపై దృష్టి పెట్టాల్సిందిగా ప్రభుత్వం వివిధ శాఖల అధిపతులను ఆదేశించింది. ఇందులో భాగంగా ఔట్‌సోర్సింగ్, కాంట్రాక్టు ఉద్యోగుల సేవలు వినియోగించుకునేందుకు సన్నాహాలు సాగుతున్నాయి. మరోవైపు ఉద్యమ సన్నాహకాల్లో భాగంగా జంట నగరాల్లోని 10 వేల మంది ఉద్యోగులు శుక్రవారం జీహెచ్ఎంసీ వద్ద 'మహాధర్నా' నిర్వహించనున్నారు.
ప్రస్తుత పార్లమెంటు సమావేశాల్లోనే 'తెలంగాణ' బిల్లు పెట్టాలన్న డిమాండ్‌తో చేపట్టనున్న ఈ ఆందోళన గురించి తెలంగాణ ఉద్యోగ సంఘాల జేఏసీ విస్తృత ప్రచారం నిర్వహిస్తోంది. 'ఒక్క ఫైలు కూడా కదలకూడదు. ప్రభుత్వ సమాచారాలనూ చేరవేసే ప్రసక్తి లేదు. మంత్రుల ప్రోటోకాల్స్, పర్యటనలను పట్టించుకోరాదు' అని ఉద్యోగులకు పిలుపునిచ్చినట్లు జేఏసీ అగ్రనేతలు కె.స్వామిగౌడ్, జి.దేవీప్రసాదరావు, వి.శ్రీనివాస్ గౌడ్, సి.విఠల్ గురువారం విలేకరులకు వెల్లడించారు. సీమాంధ్రకు ఆర్టీసీ బస్సులను నడపవద్దని ఆర్టీసీ కార్మికులకు పిలుపునిచ్చామన్నారు
. ప్రజలు, సీమాంధ్ర ఉద్యోగులు, పార్టీలు తమకు సహకరించాలని వారు విఙ్ఞప్తి చేశారు. అలాగే మంత్రుల, ఉన్నతాధికారుల వాహనాలను నడపరాదని ప్రభుత్వ డ్రైవర్లు నిర్ణయించారు. ప్రజా పంపిణీ వ్యవస్థను పూర్తిగా అడ్డుకోవాలని ఆ శాఖ ఉద్యోగులు భావిస్తున్నారు. ఇక ఇప్పటికే ఉపాధ్యాయులు రెండోదశ జనగణనకు వెళ్లిపోవడంతో తరగతులు సరిగా జరగని నేపథ్యంలో మిగిలిన టీచర్లు కూడా విధులకు నిరాకరిస్తే తమ పరిస్థితి ఏమిటని వచ్చేనెలలో పరీక్షలు రాయడం ఎలాగని విద్యార్థులు ఆందోళన పడుతున్నారు.
ఏదేమైనా పారిశుధ్యంతోపాటు వైద్య, ఆరోగ్య శాఖల్లో అత్యవసర సేవలు మినహా 17 నుంచి పౌర జీవనం స్తంభించనుంది. ఫలితంగా తెలంగాణలో రోజుకు రూ.50 కోట్ల వంతున ప్రభుత్వాదాయం పడిపోయే ప్రమాదం ఉంది. ముఖ్యంగా ఎక్సైజ్ ఉద్యోగులు కూడా ఆందోళనకు దిగుతున్నందువల్ల మద్యంపై వసూళ్లనూ కోల్పోయే పరిస్థితి ఉంది. ఈ నష్టాన్ని నివారించుకునే ప్రయత్నాల్లో భాగంగా ప్రభుత్వం తమను అరెస్టు చేసినా ఉద్యమ ఊపు ఆగకుండా ఎక్కడికక్కడ ద్వితీయ శ్రేణి నాయకులు రంగంలో దిగేలా అగ్రనేతలు వ్యూహం సిద్ధం చేశారు.
take BY: Andhrajyohti
తెలంగాణ ఇచ్చేందుకు పార్టీ సుముఖంగా ఉందని, అయితే హైదరాబాద్‌ను ఉమ్మడి రాజధానిగా ఏర్పాటుచేసేం దుకు కేసీఆర్‌ను అంగీకరింపచేయాలని మేడమ్‌ డీఎస్‌ను ఆదేశించారు. త్వరలో జరగనున్న 5 రాష్ట్రాల ఎన్నికల వరకూ కేసీఆర్‌ను మౌనంగా ఉండాలని, ఆ తర్వాత హైద రాబాద్‌ ఉమ్మడి రాష్ట్రంగా ఏర్పాటుచేసి, రాష్ట్రాన్ని విభజిస్తా మని కేసీఆర్‌కు హామీ ఇవ్వాలని డీఎస్‌ ఆదేశించారు. అదే విధంగా టీఆర్‌ఎస్‌ను విలీనం చేసిన తర్వాత టీఆర్‌ఎస్‌ ఎమ్మెల్యేలకు మంత్రిపదవులు, పార్టీలో కీలక పదవులు అప్పగిస్తామని చెప్పాలన్నారు. రానున్న అసెంబ్లీ బడ్జెట్‌ సమావేశాల సమయంలో అనుకోని పరిస్థితిలో ప్రభుత్వం అవిశ్వాస తీర్మానం ఎదుర్కొంటే, సర్కారును గట్టెక్కించా లని కేసీఆర్‌ను కోరాలని సోనియా డీఎస్‌ను ఆదేశించారు. ఈ అంశంపై అహ్మద్‌పటేల్‌, ప్రణబ్‌ ముఖర్జీ, వీరప్పమొ యిలీతో చర్చించాలని ఆదేశించారు. కేసీఆర్‌తో చర్చించి, విలీన ప్రక్రియను వేగవంతం చేయాలని సూచించారు.
