అసాంజెకు ఊరట

న్యూఢిల్లీ, డిసెంబర్ 5: లైంగిక ఆరోపణల కేసులో స్వీడన్‌కు అప్పగింత ముప్పును ఎదుర్కొంటున్న వికీలీక్స్ స్థాపకుడు జూలియన్ అసాంజెకు ఊరట లభించింది. స్వీడన్‌కు అప్పగించే విషయంలో ఆయన సుప్రీంకోర్టును ఆశ్రయించవచ్చునని బ్రిటన్ హైకోర్టు అనుమతి ఇచ్చింది. లైంగిక ఆరోపణల కేసులో అసాంజేను స్వీడన్‌కు అప్పగించాలని హైకోర్టు గతంలో తీర్పునిచ్చిన విషయం తెలిసిందే. ఈ తీర్పుపై సుప్రీంలో సవాలు చేయడానికి వీలు కలగడంతో తనకు న్యాయం జరుగుతుందని అసాంజే విశ్వసిస్తున్నారు.