మిలియన్‌ మార్చ్‌కు పూర్తి మద్దతు : నాగం

హైదరాబాద్‌ : ఈనెల 10న పోలిటికల్‌ జేఏజీ పిలుపునిచ్చిన మిలియన్‌మార్చ్‌కు టీడీపీ తెలంగాణ ఫోరం పూర్తి మద్దతునిస్తుందని ఫోరం కన్వీనర్‌ నాగం జనార్ధనరెడ్డి తెలిపారు. జేఏసీ ఛైర్మన్‌ కోదండరాంతో కలిసి నాగం తెలంగాణ జర్నలిస్టుల ఫోరం నిర్వహించిన బైక్‌ర్యాలిని ఇవాళ గన్‌పార్క్‌నుంచి ప్రారంభించారు. మిలియన్‌మార్చ్‌లో భారీ సంఖ్యలో పాల్గొని విజయవంతం చేయాల్సిందిగా తమ కార్యకర్తలకు సూచించినట్లు నాగం తెలిపారు. తెలంగాణ వచ్చేవరకు టీడీపీ టి.ఫోరం పనిచేస్తుందని నాగం స్ఫష్టం చేశారు.