సిద్దిపేటలో మిలీయన్‌ మార్చ్‌ చెక్‌పోస్టులు

సిద్దిపేట,మేజర్‌న్యూస్‌ః మిలియన్‌ మార్చ్‌ను వెళ్ళకుండా అడ్డుకునేందుకు గానూ పోలీసులు రాజీవ్‌ రహదారి పై చెక్‌పోస్టులను ఏర్పాటు చేసి విస్తృతంగా తనిఖీలు నిర్వహిస్తున్నారు. రాజీవ్‌ ర హదారి గుండా వెళ్లే ప్రతి వాహానాన్ని తనిఖీ చేస్తూ ఎవరైనా మిలియన్‌మార్చ్‌కు వెళ్తున్నట్లు అనుమానం వస్తే పూర్తి వివరాలను సేకరిస్తున్నారు. మిలియన్‌మార్చ్‌కు వెళ్లకుండా ముందస్తుగానే అరెస్టు చేయనున్నట్లు డిఎస్పీ కోటిరెడ్డి తెలిపారు. రాజీవ్‌ రహాదారి పై ప్రతి పది కిలోమీటర్లకు ఒక చెక్‌పోస్టును ఏర్పాటు చేసి తనిఖీలు నిర్వహిస్తున్నట్లు తెలిపారు. రాజీవ్‌ రహదారి పై శనిగరం, పొన్నాల, కుకునూరుపల్లి, ప్రజ్ఞాపూర్‌, ఒంటిమామిడి, ముస్తాబాద్‌ రూట్లో రాఘవాపూర్‌,సిరిసిల్ల రోడ్‌లో గుర్రాలగొంది వద్ద చెక్‌పోస్టులను ఏర్పాటు చేసిన ట్లు తెలిపారు. ప్రతి చెక్‌పోస్ట్‌ వద్ద 20 మంది సిబ్బందితో బందోబస్తు నిర్వహిస్తున్నట్లు తెలిపారు.