భలే.. షేరింగ్!

ఏ వస్తువైనా దొరికితే ఏం చేస్తాం. మన దగ్గరే ఉంచేసుకుంటాం. అది మన ఫ్రెండ్‌కు ఇష్టమైతే.. అందులో షేర్ ఇస్తాం. అయితే ఇక్కడ కొన్ని రామచిలుకలు కూడా షేరింగ్‌లో ముందున్నాయి. ఎందులో అనుకుంటున్నారు.. చాక్లెట్ మిల్క్‌షేక్‌ని తాగడంలో.

ఇది నిజం! ఆస్ట్రేలియాలోని ఓ కేఫ్‌లో తల్లీ కూతుళ్లు మిల్క్ షేక్ ఆర్డరిచ్చారు. తల్లి ఏదో పని మీద పక్కకు వెళ్లింది. ఈలోపు వెయిటర్ మిల్క్ షేక్ తీసుకొచ్చి మీద పెట్టి వెళ్లిపోయాడు.

 అమ్మ కోసం ఎదురు చూస్తుందా అమ్మాయి. ఇంతలో ఎక్కడి నుంచో వచ్చింది ఓ రామచిలుక మిల్క్ షేక్‌ని కొద్దిగా సిప్ చేసింది. ఆ తర్వాత వింతగా శబ్దాలు చేయడం మొదలు పెట్టిందట. ఈలోపు మూడు, నాలుగు రామచిలుకలు వచ్చిచేరాయి. ఐదు నిమిషాల్లో వాటి సంఖ్య ఏకంగా 30కి చేరింది. పదినిమిషాల్లో అన్నీ కలిపి మిల్క్ షేక్‌ని గుటుక్కుమనిపించాయి చుక్క కూడా మిగల్చకుండా.

ఇదంతా చూసిన ఆ తల్లీ కూతుళ్లు వాళ్ల సెల్‌ఫోన్లో వాటి ఫోటోలను బంధించేశారు. భలే విచివూతంగా ఉంది కదూ! ఇలాంటి సంఘటనలు అక్కడ మామూలే అని హోటల్ నిర్వాహకులు చెబుతున్నారు.