తెలంగాణ ఏర్పాటుకు అడ్డు కాదు కాంగ్రెస్‌లో పీఆర్పీ విలీనంపై హరీశ్

హైదరాబాద్, ఫిబ్రవరి 6 : కాంగ్రెస్ పార్టీలో ప్రజా రాజ్యం పార్టీ విలీనం తెలంగాణ రాష్ట్రం ఏర్పాటుకు ఎలాంటి అడ్డుకాదని టీఆర్ఎస్ సీనియర్ నేత, ఎమ్మెల్యే హరీశ్‌రావు అన్నారు. అదేవిధంగా టీఆర్ఎస్‌కూ ఎలాంటి నష్టం లేదని అన్నారు. కాంగ్రెస్‌లో పీఆర్‌పీ విలీనం అవుతుందన్న వార్త కొత్తదేమీ కాదన్నారు. తమ పార్టీది సమైక్యవాదం అని చిరంజీవి చెప్పినప్పుడే తెలంగాణ ప్రాంతంలో ఆ పార్టీ తుడిచిపెట్టుకుపోయిందన్నారు. ఈ ప్రాంతంలో పార్టీనే లేనప్పుడు.. ప్రజలే లేనప్పుడు కాంగ్రెస్‌లో విలీనంతో ఎలాంటి ప్రభావం తెలంగాణ ప్రాంతంలో ఉండదన్నారు. అందుకే ఈ అంశాన్ని తాము తీవ్రంగా తీసుకోవడం లేదని వ్యాఖ్యానించారు.