ఆత్మహత్యలు వద్దు... బ్రతికి తెలంగాణ సాధిద్దాం... తెలంగాణ సామూహిక ప్రతిజ్ఞలు

హైదరాబాద్, ఆగష్టు 18 :తెలంగాణ కోసం ఆత్మహత్యలకు పాల్పడడాన్ని వ్యతిరేకిస్తూ హైదరాబాద్ మరియు పలు జిల్లాలో బుధవారం ఉదయం విద్యార్థులు , నేతలు , పలు విద్యాసంఘాలు, మేధావులు సామూహిక ప్రతిజ్ఞలు చేశారు.

ఉస్మానియా విశ్వవిద్యాలయంలో జరిగిన ఈ కార్యక్రమంలో భారీగా విద్యార్థులు తరలివచ్చి సూసైడ్స్ చేసుకోవద్దు, బతికి సాధిద్దాం అంటూ సామూహిక ప్రతిజ్ఞలు చేశారు.ఈ సందర్భంగా ఉస్మానియా యూనివర్శిటీ పరిసర ప్రాంతాల్లో ట్రాఫిక్‌ను నియంత్రించారు. క్యాంపస్ లోపలికి బస్సులను అనుమతించలేదు. ఈరోజును ఆత్మహత్యల వ్యతిరేక దినంగా పాటించాలని టీఆర్ఎస్ అధ్యక్షుడు కె. చంద్రశేఖరరావు సూచించారు.