సీఎం కిరణ్, చంద్రబాబు కుమక్కయ్యారు : హరీష్‌రావు

హైదరాబాద్, మార్చి 5 : ముఖ్యమంత్రి కిరణ్‌కుమార్‌రెడ్డి, టీడీపీ అధినేత చంద్రబాబునాయుడు కుమక్కయ్యి తెలంగాణ ఉద్యమాన్ని అణచివేయడానికి చూస్తున్నారని టీఆర్ఎస్ నేత హరీష్‌రావు ధ్వజమెత్తారు. శనివారం మీడియా సమావేశంలో ఆయన మాట్లాడుతూ ఎమ్మెల్సీ స్థానిక ఎన్నికల్లో కిరణ్, బాబు మధ్య రహస్య ఒప్పందం కుదిరిందని ఆయన అన్నారు.

ఈ ఎన్నికల్లో కాంగ్రెస్‌ను గెలిపించే బాధ్యతను చంద్రబాబు తన భుజాన వేసుకున్నారని హరీష్‌రావు వ్యాఖ్యానించారు. కిరణ్‌కుమార్ రెడ్డిపై చంద్రబాబు ఈగ కూడా వాలనివ్వటంలేదని, ప్రభుత్వం పడిపోకుండా కొమ్ముకాస్తున్నారని ఆయన అన్నారు. శాసనసభ సీమాంధ్ర సభగా మారిందని, తెలంగాణ ఎమ్మెల్యేలు లేకుండానే సభ నిర్వహిస్తున్నారని హారీష్‌రావు విమర్శించారు.