శీలం ఖరీదు రూ.5 వేలు!

కుభీర్, ఏప్రిల్ 23 (: ఆడపిల్ల అంగడి సరుకైంది. మృగాడిలా ప్రవర్తిస్తున్న మగాడి ఎదుట బలి పశువవుతోంది. డబ్బున్న వాళ్ల చేతిలో మహిళ ‘పే అండ్ యూజ్’గా మారిపోతోంది. అత్యాచారంపై దేశరాజధాని వీధుల్లో ఆందోళనకారులు ఆగ్రహంతో రగిలిపోతుంటే.. ఆదిలాబాద్ పల్లెల్లో మాత్రం అమానుషం రాజ్యమేలుతోంది. అత్యాచార బాధితురాలి శీలానికి గ్రామ పెద్దలే వెలకట్టి అబలను అపహాస్యం చేస్తున్నారు. అఘాయిత్యానికి పాల్పడిన వారిపై నిర్భయ చట్టం కింద కేసు నమోదు చేయించకుండా, అతడికే వత్తాసు పలికారు. ఆదిలాబాద్ జిల్లా కుభీర్ మండలం పల్సి పంచాయతీ పరిధిలోని ఓ గ్రామానికి, సరిహద్దులోని మహారాష్ట్ర నుంచి ఓ గిరిజన కుటుంబం వలస వచ్చిం ది. భర్త పాలేరుగా, భార్య కూలీ పనులు చేస్తూ కాలం గడుపుతున్నారు.

ఈనెల 20న ఉదయం 9గంటల ప్రాంతంలో భర్త పనుల కోసం వెళ్లా డు. గ్రామానికి చెందిన ఓ మాజీ ప్రజావూపతినిధి వారి ఇంట్లోకి చోరబడి గిరిజన మహిళ (33)పై అత్యాచారానికి పాల్పడ్డాడు. ఆమె అరుపులు విని ఇరుగుపోరుగు అక్కడకు చేరుకునేలోపే అతగాడు పారిపోయాడు. సాయంత్రం ఇంటికి వచ్చిన భర్తకు విషయం చెప్పిన భార్య భోరున విలపించింది. అత్యాచా రం చేసిన వ్యక్తి.. గ్రామంలోని నలుగురు పెద్దమనుషులను ఆశ్రయించాడు. తనను గట్టెక్కించాలని రాయబా రం నడిపాడు. దీంతో సోమవారం బాధితురాలి భర్తకు మద్యం తాగించి పంచాయతీ పెట్టారు. బాధితురాలి శీలానికి వెల కట్టారు. జరిమానాగా రూ. 5వేల విధించగా, రూ.35వేలు అక్కడికక్కడే చెల్లించారు. మిగతా రూ.50 వేలు 29న చెల్లించాలని ఆదేశించారు. బాధిత మహిళ సంఘటన జరిగిన నాటినుంచి కుమిలిపోతుండడంతో ఆమెను స్థానిక మహిళలు ఓదార్చుతున్నారు. బాధను దిగమింగేందుకు ఆమె భర్తకు ప్రతిరోజు మద్యం తాగిస్తున్నట్లు తెలిసింది. ఈ విషయమై గ్రామస్తులను ఆరా తీయగా ఘటన వాస్తమేనని చెప్పారు. కుభీర్ ఎస్‌ఐ తోట సంజీవ్‌ను వివరణ కోరగా అత్యాచారం ఘటన తమ దృష్టికి రాలేదని, ఫిర్యాదు చేస్తే నిందితుడిపై కేసు నమోదు చేస్తామని సెలవిచ్చారు.

Read more...

నిత్యం తోడేళ్ళు సంచరిస్తుండే లోకంలో చెల్లీ ! జర జాగ్రత్త !

ఢిల్లీ ఉదంతం తర్వాత దేశంలోని ఆడపిల్లల తల్లిదండ్రులు ఉలిక్కిపడ్డారు. చదువుకునే లేదా ఉద్యోగాలు చేసే తమ బిడ్డలు ఎంత సురక్షితంగా ఉన్నారన్న సందేహం వారిని వెంటాడుతోంది. అయితే ఆడపిల్లల తల్లిదండ్రులు తమ పరిసరాలు ఎంత పదిలమో పరిశీలించుకునేందుకు ప్రముఖ క్లినికల్ సైకాలజిస్ట్ అందిస్తున్న సూచనలు.

క్రూర మృగాలుండే దట్టమైన అడవుల్లో కూడా ఒకే చక్కటి నిబద్ధత ఉంటుందన్న విషయం మనకు తెలుసు. ఈ క్రూరమృగాలు అనవసరంగా బలహీన జంతువులను తమ వినోదం కోసం చంపవు. చిన్న ప్రాణుల ప్రాణాలతో ఏ క్రూరమృగం చెలగాటాలు ఆడవు. మరి ఇదే నిబంధన మన సభ్య సమాజానికి వర్తిస్తుందా? ఢిల్లీలో మొన్న జరిగిన కిరాతకం, దేశ వ్యాప్తంగా జరుగుతున్న ఇంకా ఎన్నో సంఘటనలు, మనల్ని మరోలా ఆలోచించేట్టు చేస్తున్నాయి.

ఈ కాలంలో ఇటు అమ్మాయిలూ, అటు వాళ్ళ తల్లిదండ్రులు, అమ్మాయిల భవిష్యత్తు బంగారు బాటగా మారేట్టు జాగ్రత్త పడాలి. అమ్మాయిలను సమస్యల వలయంలో చిక్కుకోకుండా కాపాడుకోవాలి. అమ్మాయిలు కూడా తమను తాము నియంత్రించుకోవాలి. అలాగని ఇంతవరకు జరిగిన విపత్తులకు అమ్మాయిలే బాధ్యులు అని అనుకోవడం, అతిపెద్ద పొరపాటు. అమ్మాయిల జీవితాలు సవ్యంగా ఉండేలా, వాళ్ళు సవ్యంగా ఎదిగి, వాళ్ళ జీవితం మూడుపువ్వులు, ఆరు కాయలు కావడా నికి, వాళ్ళేమి చేయాలి? అమ్మానాన్నల బాధ్యతలేమిటి? అన్న విషయాలను చర్చించు కోవడం సమంజసమే.

చదువు పైనే ధ్యాస
విద్యార్థినులు ఐడిల్‌గా ఉండకూడదు. చదువుతూ పోవాలి. ప్రఖ్యాత సైంటిస్ట్ ఇజాక్ న్యూటన్ కదులుతున్న వస్తువు కదులుతూనే ఉంటుందని, చలనం లేని వస్తువు నిశ్చలంగానే ఉంటుందని తెలిపాడు. ఇది చదువుకూ వర్తిస్తుంది. శ్రద్ధతో చదువుతున్న విద్యార్థి చదువుతూ ఉంటే, పుస్తకమే ముట్టని వాళ్ళు, యధాతధంగా ఉండిపోతారు. అందుకే అమ్మాయిలూ ఎప్పుడూ చదువుతూ పోవాలి. వాళ్ళెప్పుడు చదువు గురించి ఆలోచిస్తూ ఉండాలి. అప్పుడే ఆలోచనలు ప్రవర్తనల కింద మారుతాయి. ఈ ప్రవర్తన అలవాటు కింద మారుతుంది. అప్పుడు సినిమాలు, షికార్లు, బాయ్ ఫ్రెండ్స్ గురించి ఆలోచనలు మనసులో మెదలాడవని మనకు తెలుసు. అలాగని అమ్మాయిలు సినిమాలు చూడ కూడదని, షికార్లకు వెళ్లకూడదని అనుకోకూడదు. చదువుకుంటూ అవన్ని చేయవచ్చు. కానీ వాళ్ళు బాయ్‌ఫ్రెండ్స్‌తో సమయం వెళ్ళబుచ్చుతూ, తీసు కోవలసిన జాగ్రత్తల్ని మాత్రం మరవొద్దు.

మంచి స్నేహం ఒక కవచం
పాత కాలంలో యుద్ధం చేస్తున్నప్పుడు యోధులు కవచాన్ని ధరించేవారు. ఈ కవచం శత్రువుల కత్తిపోట్ల నుంచి యోధుణ్ని రక్షించేది. స్నేహం కూడా ఈ కవచంలాంటిదే. కవచం శరీరాన్ని కాపాడితే, స్నేహం మనస్సును గాయపడకుండా కాపాడుతుంది. స్నేహం కేవలం మనస్సును బాధలతో తట్టుకునేట్టు కాపాడడమే కాకుండా, మనిషి జీవితం లోనే ఒక సంతోషాన్ని, సంతృప్తిని నింపుతుంది. అందుకే ‘ఏనాయిస్ నిన్’ అనే ప్రముఖ విద్యావేత్త ఉద్దేశ్యం ప్రకా రం ప్రతి మిత్రుడు మనకొక కొత్త ప్రపంచం. మిత్రుడు తారసపడే వరకు మనకు ఈ ప్రపంచమే లేదు. వాళ్ళను కలుసుకున్న తక్షణమే ఈ కొత్త ప్రపంచం ఎల్లలు మనసు స్పర్శిస్తాయి.

హెన్రీ స్టాక్ సుల్లివాన్ అనే ప్రముఖ సైకాలజిస్ట్ మిత్రత్వానికి ఎక్కువ ప్రముఖ్యత ఇస్తాడు. విద్యార్థుల మానసిక మెరుగుదల, ఎదుగుదల మిత్రుల పైననే ఆధారపడి ఉంటుందంటాడు. సమస్యలు ఎదురైనప్పుడు అడాలిసెంట్స్, ప్రధమం గా మిత్రులతోనే చెప్పుకుంటారని, పార్లీ అనే సైకాలజిస్ట్ చెబుతాడు. మంచి స్నేహితురాలు విద్యార్థినికి ఒక కొత్త స్పూర్తిని ఇస్తుంది. ఒక చక్కటి గమ్యాన్ని నిర్ణయించుకొనేందుకు సహకరిస్తుంది. అల్లరి చిల్లరగా తిరుగుతూ, ప్రస్తుత కోరికల సంతృప్తికే ప్రాధాన్యత ఇచ్చే అమ్మాయి స్నేహితు రాలుగా దొరికితే మాత్రం ఒక సమస్యగా మారుతుంది. తాజెడిన కోతి, వనమెల్ల చెరిచింది అనే సామెత మాదిరి, ఈ అమ్మాయి స్నేహం వలన మిగతా పిల్లలు కూడా ఇదే వంతు పాట పాడుతారు. అప్పుడు అమ్మాయిలు ప్రమాదాల్ని ఆహ్వానించినట్టు అవుతుంది. అందుకే అమ్మాయి స్నేహితులు ఎలాంటి వాళ్ళు అన్నది అమ్మానాన్నలు గమనించాలి. అలాగని అమ్మాయిల పైన మరీ పోలిసీంగ్ కూడా చెయ్యకూడదు.

తెలివితేటలు దేవుడిచ్చిన బహుమానం
మనం ఒక మిత్రుని పుట్టిన రోజు పార్టీకి వెళ్లామని అనుకుందాం. అతనికి మనమొక చక్కటి బహుమానం తీసుకెళ్ళతాము. ఈ బహుమానాన్ని మిత్రునికి ఇచ్చినప్పుడు, అతని దాన్ని దగ్గరున్న చేత్త బుట్టలోకి విసిరేస్తే, మనం ఏ విధంగా ఫీల్ అవుతాం. లాగి లెంపకాయ కొట్టాలి అన్నంత కోపం వస్తుంది. మనమిచ్చిన బహుమానాన్ని అవమానపరిస్తే,మనల్ని అవమానపరచినట్టు బాధ పడతాం. మరి తెలివితేటలు దేవుడు మనకి చ్చిన బహుమానం.ఈ తెలివితేటల్ని సరిగ్గా ఉపయోగించి మనం ఎదగకపోతే, దేవున్నే అవ మానపరిచినట్టు అవుతుంది కదా? ఈ విషయాన్ని అమ్మాయిలు గుర్తుంచుకోవాలి. ఒకవేళ అమ్మాయి లు మరచి పోతే అమ్మానాన్నలు గుర్తు చేయ్యాలి.

నాకెలాంటి ప్రమాదం వాటిల్లదు
మరణం పట్ల అందరికుండే ఆలోచన మనందరికి తెలుసు. మరణం ఖాయమైనప్పటికి, ‘ఇది నాకు వర్తించదు మిగతా వాళ్ళకే ఇది పరిమితం. నేను చనిపోను. అని ప్రతి వ్యక్తి అనుకుంటాడు’ అని జొనాధన్ బ్రూనెస్టీన్ అనే ప్రముఖ ఫిజిషియన్ అంటాడు.

దీన్నే సైకాలజీలో ఎస్కేపిజం అని అంటాము. ఇలాంటి ఎస్కేపిజం మనం అడోలిసెంట్స్ దశలో గమనిస్తాం. ఈ దశలో ఉన్న పిల్లలు, అమ్మాయిలైన, అబ్బాయిలైనా చాలా రాష్‌గా ప్రవర్తిస్తారన్ని మనకు తెలిసిందే. నాకెలాంటి ప్రమాదం వాటిల్లదు, అనే ఆలోచన వీరిది. ఈ దశలో వీళ్ళ ఆరోగ్యం బ్రహ్మాండంగా ఉంటుంది. ఒకవేళ ఈ వయస్సులో మరణించడం జరిగితే, 40శాతం పైగా మోటారు ప్రమాదాల్లో జరుగుతుందని సర్వేలు తేలిపాయి. కేవలం మోటార్ సైకిల్స్, కార్లు వేగంగా నడపడమే కాదు, వీళ్ళ జీవితమే ఫాస్ట్‌లేన్‌లో ఉంటుంది. సెన్సేషన్ -సీకింగ్ వీళ్ళ వేదాంతం. అందుకే ఈ వయస్సులో అబ్బాయిలు, అమ్మాయిలు అనవసరమైన రిస్క్ తీసుకుంటారు. చీకటిపడ్డా ఒంటరిగా పోవాలను కుంటారు. ఫ్రెండ్స్ ఇంటికి వెళ్ళి సమయాన్ని పట్టించుకోకుండా ఇంటికి రావాలనుకుంటారు. నాకేమీ జరగదులే అని భావిస్తారు. అమ్మానాన్నలు, అమ్మాయిలను ఇలా ప్రవర్తించకుండా నియంత్రిం చాలి. ప్రస్తుతం మన సమాజంలో జరుగుతున్న వ్యవహారాలు మనందరి కళ్ళు తెరిపించాలి.

ప్రేమ ఒక ఎండమావి ఈ కాలంలో కొంతమంది అమ్మాయిల సమస్యల్లా, ప్రేమలో పడ్డామని భ్రాంతి పడడం. ఈ భ్రాంతి వీళ్లను , అబ్బాయిలైతే స్వేచ్ఛగా తిరిగేట్టు ప్రేరేపిస్తుంది. ప్రేమించాను అని అనుకున్న అబ్బాయిలైతే సినిమాలు, షికార్లు మొదలవుతాయి. అప్పుడు అమ్మానాన్నల మాటలు నీటి మూటలనిపిస్తాయి. చదువు కాస్తా చట్టబండలౌతుంది. నిజం చెప్పాలంటే ఈ వయస్సులోని అమ్మాయిల్లో చెలరేగే శారీరక ఉత్తేజాన్ని ప్రేమ అని నిర్వచించడం పొరపాటు. ఇది కేవలం ఈవయస్సులో శరీరాల్లో విడుదలవుతున్న హార్మోన్స్ ప్రభావం వల్ల, వీళ్ళలో కలిగే శారీరక ఉత్తేజం అని , ప్రేమ కాదని తెలుసుకోవాలి. అందుకే వీళ్ళు ప్రేమ అనుకునే ఈ మానసిక స్థితి ఎక్కువ కాలం నిలవదు. సైకాలజిస్ట్‌ల సర్వేల ప్రకారం అడోల్‌సెంట్స్ లో ప్రేమనుకొని దగ్గరయ్యేవాళ్ళు, అతి త్వరలోనే మళ్ళీ దూరమవుతారని తేలిపోయింది. అందుకే ప్రేమని భ్రమపడి, కొంతకాలం రాసుకొని,పూసుకొని తిరిగిన అమ్మాయిలు త్వరలోనే తెలుసుకొని, అబ్బాయిలనుండి విడిపోతారు. ఇటు అబ్బాయేమో, ‘మనసు పారేసుకున్నాను,సినిమాలకు, షికార్లకు ఈమెను తిప్పి నా మొత్తం డబ్బు తగలేసాను.

అయినప్పటికి ఈమె నాకు చెయ్యిచ్చింది.’ అనుకొని బాధపడతాడు. ఈ అబ్బాయి కాస్తా పోకిరి వాడైతే లేదా దుష్ట స్వభావం కలవాడైతే అమ్మాయికి ప్రమాదమే. ఇలాంటి అబ్బాయిలు యాసిడ్ దాడులు చేయ్యొచ్చు. ఇంకేదైనా దుష్ట చేష్టలు చేసే అవకాశం కూడా ఉంది. ఇలాంటి ప్రమాదం రాకుండా ఉండాలంటే, వయస్సులో ఉన్న అమ్మాయిలు ఎక్కువ సమయం అబ్బాయిలతో ఒంటరిగా కలిసి తిరుగకూడదు. గ్రూప్‌లో అందరితో కలిసి మాత్రమే మెలగాలి. అలాకాకుండా అమ్మాయి ఒంటరిగా అబ్బాయితో కలిసి తిరుగుతూ సమయం గడుపుతుందంటే, అమ్మానాన్నలు తెలుసుకుని తక్షణం రంగంలోకి దూకాలి. పనుల్లో మునిగి, ఆలస్యం చేయకూడదు.

Read more...

చల్లారిన ఢిల్లీ

  

-ఢిల్లీ గ్యాంగ్ రేప్ ఘటనపై ఫాస్ట్ ట్రాక్ విచారణ
-ఇద్దరు ఏసీపీలపై సస్పెన్షన్ వేటు
-భద్రత కల్పిస్తాం: ప్రధాని మన్మోహన్
-ఆందోళనకారులను మావోయిస్టులతో పోల్చిన షిండే
-4న డీజీపీలు, సీఎస్‌లతో భేటీ
-మహిళలమీద నేరాలపై సమీక్ష
-ఢిల్లీ దిగ్బంధం.. తీవ్ర ఆంక్షలు.. భారీగా బలగాలు.. ఆందోళనల కట్టడి
-బాధితురాలి ఆరోగ్యం విషమం
-గ్యాంగ్ రేప్ కేసులో వారంలోగా చార్జిషీట్: పోలీసులు
-ఆందోళనకారులను రెచ్చగొట్టారంటూ రాందేవ్, వీకే సింగ్‌పై కేసులు
-చట్టాల సమీక్షపై జస్టిస్ వర్మ కమిటీ పని ప్రారంభం
దేశవ్యాప్తంగా తీవ్ర ప్రజాక్షిగహానికి కారణమైన యువతి సామూహిక అత్యాచార ఘటనపై సత్వర విచారణకు ప్రభుత్వం సంకల్పించింది. ఈ కేసులో రోజువారీ విచారణ జరపడానికి ఫాస్ట్ ట్రాక్ కోర్టు ఏర్పాటు చేయాలని నిర్ణయించింది. గ్యాంగ్ రేప్ ఘటనతోపాటు ఇతర అత్యాచారాల కేసుల విచారణకు ఢిల్లీలో ఐదు ఫాస్ట్‌వూటాక్ కోర్టులు ఏర్పాటు చేయనున్నట్టు ఢిల్లీ హైకోర్టు చీఫ్ జస్టిస్ మురుగేశన్ ధ్రువీకరించారు. ఇందుకు జనవరి 2 తర్వాత నోటిఫికేషన్ వెలువడనుంది. యువతి గ్యాంగ్ రేప్ ఘటన నేపథ్యంలో ఆందోళన చెందవద్దని, మహిళల భద్రతకు సంబంధించి అన్ని చర్యలు తీసుకుంటున్నామని ప్రధానమంత్రి మన్మోహన్‌సింగ్ పేర్కొన్నారు. ‘‘ముగ్గురు కుమ్తాలకు తండ్రిగా నేనూ మీలాగే ఆందోళన చెందుతున్నా. ఈ కిరాతక నేరానికి బాధితురాలిగా మారిన యువతి పట్ల నా భార్య, కుటుంబం కూడా ఆందోళన చెందుతోంది’’ అని చెప్పారు. ఇండియాగేట్ వద్ద హింసాత్మక ఆందోళనలకు దిగిన నిరసనకారులను హోం మంత్రి షిండే మావోయిస్టులతో పోల్చే ప్రయత్నం చేశారు.

ఇండియా గేట్ వద్ద మావోయిస్టులు వచ్చి ఆందోళన చేసినా ప్రభుత్వం స్పందించాలా? అని ప్రశ్నించారు. మరోవైపు ఈ ఘటనకు సంబంధించి ఇద్దరు ఏసీపీలపై ఢిల్లీ ప్రభుత్వం సస్పెన్షన్ వేటు వేసింది. గ్యాంగ్ రేప్ కేసులో పోలీసులు దర్యాప్తును ముమ్మరం చేశారు. ఢిల్లీలో సోమవారం ఎక్కడ చూసినా భద్రతా వలయాలు కనిపించాయి. ఆందోళనలు తగ్గుముఖం పట్టాయి.

గ్యాంగ్ రేప్ ఘటనపై ఫాస్ట్‌ట్రాక్ విచారణ!
-ఢిల్లీలో ఐదు ఫాస్ట్‌వూటాక్ కోర్టులు ఏర్పాటు
-జనవరి 2 తర్వాత విచారణ
-గ్యాంగ్ రేప్‌పై చర్యలకు ఉపక్షికమించిన ప్రభుత్వం
-ఇద్దరు ఏసీపీలపై సస్పెన్షన్ వేటు
-వారంలోగా చార్జిషీట్: పోలీసులు
-చట్టాల సమీక్షపై జస్టిస్ వర్మ కమిటీ పని మొదలు
న్యూఢిల్లీ, డిసెంబర్ 24:యువతి సామూహిక అత్యాచార ఘటనపై దేశవ్యాప్తంగా ప్రజాక్షిగహం వెల్లు నేపథ్యంలో ప్రభుత్వం చర్యలకు ఉపక్షికమించింది. ఈ కేసులో సత్వర విచారణ చేపట్టాలని నిర్ణయించింది. ఇందుకుగాను ఫాస్ట్‌వూటాక్ కోర్టుల ఏర్పాటు విషయమై కేంద్ర హోంమంత్రి సుశీల్‌కుమార్‌షిండే, ఢిల్లీ ముఖ్యమంత్రి షీలాదీక్షిత్ సోమవారం చీఫ్ జస్టిస్ మురుగేశన్‌తో భేటీ అయి చర్చించారు. ఈ నేపథ్యంలో జనవరి మొదటి వారంలో హస్తినలో ఐదు ఫాస్ట్‌వూటాక్ కోర్టులు ప్రారంభం కానున్నాయని ఢిల్లీ హైకోర్టు చీఫ్ జస్టిస్ డీ మురుగేశన్ మీడియాకు ధ్రువీకరించారు. ఇటీవలి గ్యాంగ్ రేప్ ఘటన సహా.. అత్యాచార కేసుల్లో రోజువారీ విచారణ జరిపేందుకు ఈ కోర్టులు ఏర్పాటు కానున్నాయి. సెలవుల అనంతరం హైకోర్టు జనవరి 2న తిరిగి ప్రారంభం కానుంది. ఆ వెంటనే ఫాస్ట్‌వూటాక్ కోర్టుల ఏర్పాటుకు సంబంధించి నోటిఫికేషన్ వెలువడనుంది. మరోవైపు గ్యాంగ్ రేప్ ఘటనకు సంబంధించి ఢిల్లీ ప్రభుత్వం ఇద్దరు అసిస్టెంట్ కమిషనర్లపై సస్పెన్షన్ వేటు వేసింది.

ఈ నెల 16న నడుస్తున్న బస్సులో 23 ఏళ్ల యువతిపై జరిగిన కిరాతక సామూహిక అత్యాచారం ఘటనపై ఢిల్లీ సహా, దేశవ్యాప్తంగా ఆందోళనలు జరుగుతున్న విషయం తెలిసిందే. ఈ ఆందోళనల నేపథ్యంలో అమెరికాలో ఉన్న ఢిల్లీ లెప్టినెంట్ గవర్నర్ తేజిందర్ కన్నా తన పర్యటనను అర్ధాంతరంగా కుదించుకొని, నగరానికి చేరుకున్నారు. ఆ వెంటనే సీనియర్ పోలీసు అధికారులు, మహిళా సంఘాల ప్రతినిధులతో చర్చలు జరిపారు. దేశ రాజధానిలో మహిళల భద్రతకు అనుసరించాల్సిన కార్యాచరణ ప్రణాళికపై చర్చించారు. మరోవైపు గ్యాంగ్ రేప్ కేసులో వారం రోజుల్లోగా చార్జిషీట్ దాఖలు చేస్తామని పోలీసులు వెల్లడించారు. ఈ ఘటనకు కారణమైన ఆరుగురు నిందితులపై దర్యాప్తు వేగవంతంగా సాగుతోందని తెలిపారు. ఆదివారం నాటి హింసాత్మక ఆందోళనకు సంబంధించి పోలీసులు నాలుగు కేసులు నమోదుచేశారు. అలర్లకు ప్రోత్సహించారని, హింసకు ప్రేరేపించారనిఆర్మీ మాజీ చీఫ్ వీకేసింగ్,బాబా రాందేవ్‌పై కేసులు పెట్టారు.

జస్టిస్ వర్మ కమిటీ పని మొదలు
లైంగిక దాడుల కేసుల్లో సత్వర న్యాయం, దోషులకు శిక్ష పెంపుదల విషయమై ప్రస్తుతమున్న చట్టాలను సమీక్షించడానికి ఏర్పాటైన ముగ్గురు న్యాయకోవిదులతో కూడిన జస్టిస్ వర్మ కమిటీ సోమవారం తన పనిని ప్రారంభించింది. ఈ అంశంపై జనవరి 5న ప్రజాభివూపాయాన్ని తెలియజేయాలని కమిటీ నోటీసును జారీచేసింది.

కానిస్టేబుల్ పరిస్థితి విషమం :
ఢిల్లీ గేట్ వద్ద నిరసనల సందర్భంగా చెలరేగిన ఘర్షణలోగాయపడిన పోలీస్ కానిస్టేబుల్ పరిస్థితి ఇంకా విషమంగా ఉంది. ఆయనకు వెంటిలేటర్ సౌకర్యం కొనసాగుతోందని వైద్యులు సోమవారం తెలిపారు.

ఆపదలో ఆదుకునే ‘167’
అత్యాచార నిరోధానికి ఢిల్లీలో ఓ హెల్ఫ్‌లైన్ ప్రారంభంకాబోతోంది. 167 నంబర్‌తో ఈ సేవలు త్వరలోనే అందుబాటులోకి రానున్నాయి. ఆపదలో ఉన్న మహిళలు ఆ నెంబర్‌కు ఫోన్ చేయగానే క్షణాల్లో పోలీసులు అక్కడికి చేరుకుని వారి రక్షించే ఏర్పాట్లు చేస్తున్నట్లు అధికారులు తెలిపారు. ముఖ్యమంత్రి షీలా దీక్షిత్ విజ్ఞప్తి మేరకు టెలికంశాఖ మూడు అంకెల హెల్ఫ్‌లైన్‌ను కేటాయించిందని సోమవారం కేంద్ర టెలికం శాఖ ఓ ప్రకటనలో పేర్కొంది.

భద్రత కల్పిస్తాం.. ఆందోళన వద్దు
-ప్రధానమంత్రి మన్మోహన్‌సింగ్
యువతి గ్యాంగ్ రేప్ ఘటన నేపథ్యంలో ఆందోళన చెందవద్దని, మహిళల భద్రత సంబంధించి అన్ని చర్యలు తీసుకుంటున్నామని ప్రధానమంత్రి మన్మోహన్‌సింగ్ పేర్కొన్నారు. శాంతియుతంగా ఉండాలని ఆందోళనకారులకు మరోసారి విజ్ఞప్తి చేశారు. ఆయన సోమవారం దేశ ప్రజలను ఉద్దేశించి ప్రసంగించారు.‘ముగ్గురు కుమ్తాలకు తండ్రిగా నేనూ మీలాగే ఆందోళన చెందుతున్నా. ఈ కిరాతక నేరానికి బాధితురాలిగా మారిన యువతి పట్ల నా భార్య, కుటుంబం కూడా ఆందోళన చెందుతోంది’ అని చెప్పారు. ఈ ఘోరమైన ఘాతుకానికి సంబంధించి జరిగిన జాప్యంపై పరిశీలన జరుపుతామని, మహిళల భద్రతకు సంబంధించి అన్ని విషయాలను పరిగణనలోకి తీసుకుంటామని తెలిపారు. ఆందోళనల్లో హింసాత్మక ఘటనలు చోటుచేసుకోవడం వల్ల ఎలాంటి ప్రయోజనం ఉండదన్నారు.


ఆందోళనకారులు.. మావోయిస్టులు!
-ఇద్దరికీ పోలిక పెట్టిన షిండే
-ఇండియా గేట్‌కు వెళ్లి.. చర్చలు ఎందుకు నిర్వహించాలి
-కేంద్ర హోంమంత్రి వ్యాఖ్యలు
-4వ తేదీన అన్ని రాష్ట్రాల డీజీపీ, సీఎస్‌లతో భేటీ
-మహిళలపై నేరాలపై సమీక్ష
న్యూఢిల్లీ, డిసెంబర్ 24: గ్యాంగ్‌రేప్ ఘటనపై రగిలిపోయి ఉద్యమిస్తున్న ఆందోళనకారులను ఉద్దేశించి కేంద్ర హోంమంత్రి సుశీల్‌కుమార్‌షిండే వివాదాస్పద వ్యాఖ్యలు చేశారు. ఇండియాగేట్ వద్ద ఆగ్రహంతో దాడులకు దిగిన ఆందోళనకారులను మావోయిస్టులతో పోల్చారు. గ్యాంగ్ రేప్ ఘటనపై వెల్లు ప్రజాక్షిగహాన్ని అర్థం చేసుకోలేక రాజకీయపార్టీలు సతమతమవుతున్న తరుణంలో ఆయన ఈ వ్యాఖ్యలు చేయడం గమనార్హం. ‘‘ హోంమంత్రి ఇండియా గేట్ దగ్గరికెళ్లి.. చర్చలు జరపాలని చెప్పడం చాలా సులువు. రేపొద్దున్న ఏదైనా పార్టీ కూడా ప్రదర్శన నిర్వహిస్తే..అప్పుడు కూడా హోంమంత్రి వెళ్లాల్సిందే. రేపొద్దున్న కాంగ్రెస్, బీజేపీ కూడా ఇక్కడ ప్రదర్శనలు నిర్వహిస్తాయి. మావోయిస్టులు కూడా ఆయుధాలతో ప్రదర్శనలు నిర్వహిస్తారు’’ అని ఆయన వివిధ ఇంటర్వ్యూలలో పేర్కొన్నారు. ‘‘ఈ పరిస్థితి రేపొద్దున్న ఏ ప్రభుత్వానికైనా రావచ్చు. ప్రభుత్వం ఎందుకు వెళ్లాలి?’’ అని ప్రశ్నించారు. ఆందోళనకారులను మావోయిస్టులతో పోలుస్తున్నారా? అని ప్రశ్నించగా ‘‘శాంతి భద్రతల నుంచి దీనిని వేరు చేయలేరు. ఆందోళన మొదలైననాటి నుంచి నిరసనకారుల ప్రతినిధులతో నేను మాట్లాడుతూనే ఉన్నాను.

వారు న్యాయం కోరుతున్నారు. ఏ రకమైన న్యాయం మేమివ్వగలం’’ అని అన్నారు. ఇండియా గేట్ వద్ద ఆదివారం జరిగిన హింసాత్మక ఆందోళన వెనుక రాజకీయ శక్తులు ఉన్నాయని ఆరోపించారు. దీనిపై విచారణ జరుపుతున్నామని తెలిపారు. జనవరి నాలుగున అన్ని రాష్ట్రాల డీజీపీలు, ప్రభుత్వ ప్రధాన కార్యదర్శులతో సమావేశం నిర్వహించి.. మహిళలపై జరుగుతున్న దాడులు, అత్యాచారాలపై చర్చిస్తామని చెప్పారు. ఎస్సీ, ఎస్టీ మహిళలు లైంగిక హింసకు గురవుతున్నారని, ఈ అంశాన్ని పరిశీలిస్తామని చెప్పారు. ఢిల్లీలో యువతి గ్యాంగ్ రేప్ ఘటనపై పార్లమెంటు ప్రత్యేక సమావేశాలు నిర్వహించాలి లేదా, అఖిలపక్షం భేటీ నిర్వహించాలన్న డిమాండ్‌ను ఆయన తోసిపుచ్చారు. ఆయన సోమవారం ఢిల్లీ హైకోర్టు ప్రధాన న్యాయమూర్తితో భేటీ అయ్యారు. ఇటీవల గ్యాంగ్ రేప్ ఘటనతోపాటు మహిళలపై లైంగిక దాడులపై విచారణకు ఫాస్ట్‌వూటాక్ కోర్టులు ఏర్పాటు చేయాలని ఆయన చీఫ్ జస్టిస్‌కు విజ్ఞప్తిచేశారు. అత్యాచారాలపై సత్వర విచారణ, శిక్ష పెంపు విషయమై ప్రస్తుతమున్న చట్టాలను సమీక్షించడానికి ఏర్పాటు చేసిన కమిటీకి నివేదిక సమర్పించడానికి నెల రోజులపాటు గడువు ఇచ్చినట్టు తెలిపారు. రాష్ట్రపతి భవన్‌వైపు దూసుకొచ్చిన ఆందోళనకారులపై పోలీసుల అణచివేతను షిండే సమర్థించారు. ఆందోళనకారులు రాష్ట్రపతి భవన్‌ను ముట్టడించేందుకు ప్రయత్నించడం సరికాదని పేర్కొన్నారు.

 

అత్యాచార బాధితురాలి ఆరోగ్యం విషమం
-ఆగని అంతర్గత రక్తవూసావం
-ఇంకా కృత్రిమ శ్వాసలోనే : వైద్యులు
న్యూఢిల్లీ, డిసెంబర్ 24: ‘గ్యాంగ్ రేపుకు గురైన పారామెడికల్ విద్యార్థి ఆరోగ్య పరిస్థితి సోమవారం మరింత దిగజారింది. ఆమె ఇంకా ప్రమాదం నుంచి బయటపడలేదు’ అని సఫ్దర్‌జంగ్ ఆస్పత్రి వర్గాలు వెల్లడించాయి. కానీ, ఆ యువతి మానసికంగా దృఢంగానే ఉన్నారని తెలిపాయి. నిన్నటికన్నా పరిస్థితి ఏ మాత్రం మెరుగుపడలేదని ఆమెకు వైద్యం అందిస్తున్న సఫ్దర్‌జంగ్ ఆస్పత్రి సూపరింటెండెంట్ డాక్టర్ బీడీ అథానీ తెలిపారు. అంతర్గతంగా రక్తవూసావం అధికమైందన్నారు. అది గడ్డకట్టి కొత్త సమస్యలు సృష్టిస్తోందని చెప్పారు. గత రాత్రికూడా విపరీతంగా రక్తవూసావం జరిగిందన్నారు.

ప్రస్తుతం ఆమెకు ఇంకా కృత్రిమంగానే శ్వాసను అందిస్తున్నామని తెలిపారు. డిసెంబర్ 16న ఢిల్లీలో నడుస్తున్న బస్సులో గ్యాంగ్ రేపు ఘటన తర్వాత ఈ పారా మెడికల్ విద్యార్థినిని (23) వైద్య చికిత్స కోసం సఫ్దర్‌జంగ్ ఆస్పవూతిలో చేర్పించిన విషయం తెలిసిందే. అప్పటి నుంచి వైద్యం అందిస్తున్న డాక్టర్లు ఆ ఆమ్మాయి ఇంకా ప్రమాదం నుంచి బయటపడలేదని వెల్లడించారు. ఉష్ణోక్షిగత 102 నుంచి 104 డిగ్రీల మధ్య ఉంటోందన్నారు. బైలిర్బిన్ లెవల్ 5.5 శాతానికి తగ్గిందన్నారు. ప్లెట్‌పూట్స్ కూడా తగ్గాయని చెప్పారు. ఇది ప్రమాదకర పరిస్థితిని సూచిస్తోందని ఆందోళన వ్యక్తం చేశారు. మిగతా అవయవాలు సాధారణంగానే పని చేస్తున్నాయని, చికిత్సకు బాగానే స్పందిస్తున్నాయని వివరించారు. ఆమెకు సైకాలాజీ కౌన్సెలింగ్ ఇంకా కొనసాగుతోందని సైకాలాజీ విభాగం డాక్టర్ రస్తోగీ చెప్పారు. అంతర్గతంగా ఎన్నిగాయాలైనా ఆమె మాత్రం ఎలాంటి ఒత్తిడికి, ఆందోళనకు గురికావడంలేదని ఆయన స్పష్టం చేశారు. ఆ యువతి పరిస్థితి ఇంకా విషమంగానే ఉందని, ప్రమాదం నుంచి బయటపడలేదని ఐసీయూ ఇన్‌చార్జి డాక్టర్ పీకే వర్మ తెలిపారు. ఆమె పరిస్థితి అలాగే కొనసాగుతోందని వివరించారు. కాగా, ఆందోళనకారులు శాంతియుతంగా ఉండాలని బాధితురాలి తండ్రి సోమవారం విజ్ఞప్తి చేశారు

Read more...